Alvaro Morata atavaa uzi wa blue wa mabingwa watetezi wa ligi kuu Uingereza Chelsea baada ya timu hiyo kukubali kutoa kiasi cha £80m kumnunua mshambuliaji huyo kutoka katika klabu ya Real Madrid.
Morata ambaye hakufanikiwa sana kumshawishi kocha wa Real Madrid kumpa nafasi ya kucheza sasa anakwenda Chelsea ambako kuna uwezekano mkubwa akawa striker tegemezi katika msimu ujao.
Morata ameeleza sababu kubwa ambayo imemuondoa Real Madrid na kwenda Chelsea kwamba ni anataka kukua kisoka na hilo ndio kubwa ambalo limemkimbiza kutoka Real Madrid.
“Nna furaha sana kujiunga na Chelsea kwani ni klabu ambayo mara zote imeonesha kunihitaji, ninaondoka kwa sababu nataka kukua na nisingekua nataka kuondoka baasi ningebaki Madrid”
“Sijutii kitu kwani Madrid wamenioa makombe manne, namshukuru sana kocha Zinedine Zidane na Madridsta wote kwa ushirikiano wao na nawatakia kila la kheri katika msimu ujao wa ligi” alisema Morata.
Morata anatarajia kutengeneza utatu mwingine mpya akicheza pamoja na Eden Hazard na Pedro Rodriguez ambao wote wana speed uwanjani na pengine kasi ya Chelsea katika mashambulizi ya kushtukiza inaweza kuongezeka zaidi.
